何良近四季騎師賽日例有馬贏，星期三(5日)第六場「愛添滿」落班即強配巴度，明顯有備而來。另外，時廐亦佈下強陣，第五場國際騎師賽次關「競駿飛鷹」排一檔起步，配上熟悉場地的何澤堯，本地騎師有力為港爭光。

第六場三班1200米：「愛添滿」今季四戰都有慢閘情況，上仗出閘稍慢但三兩箭步已經上口三疊望空，入直路一度係威係勢，鬥到最後100米大勢已去便收韁而回，其實演出已經到位。

今次落班即除頭罩，埋門再搵巴度彈閘，信何良馬房部署，兼出王牌上陣，有權殺個措手不及。