38歲譚凱琪（Zoie）與拍拖8年的富貴男友莊日宇（Enrico）早已同居，其間更屢傳婚訊，今年3月譚凱琪終於同男友拉埋天窗，雖然男友Enrico出身豪門，不過兩人的生活相當貼地，近排傳出譚凱琪疑雙喜臨門，陀B未夠三個月，決定推劇請幾個月假養胎，她亦承認因家事而辭演2部劇，其中新劇《BB大晒》飾演葉帆一角由陳自瑤頂上。

今日有周刊報道影到譚凱琪肚凸凸由畢架山寓所去黃埔，全程由老公接送，見她當日身穿連身長裙，孕肚目測已有四、五個月，譚凱琪今日回覆傳媒：「我暫時未有嘢宣佈住呀！多謝大家！」譚凱琪近年正值上位期，拍《降魔的2.0》飾演海魔「Thalassa（阿花）」，一人飾多個角色，深受小朋友歡迎，估唔到譚凱琪為了老公仔，甘願暫時放低事業。她的好姊妹陳凱琳去年2月14日情人節當日宣佈為老公鄭嘉穎誕下兒子Rafael，今年在5月20日貼家庭相，稱Rafael要做大哥哥，陳凱琳目前陀第二胎，應該可以開心分享陀B經畀譚凱琪啦！
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新