港股急墜800點後，今日出現逾200點的反彈，中國銀盛財富管理首席策略師郭家耀對今日的反彈不意外。不過他指，外資對中國前景都好擔心，睇得較淡，眼見到中國政策亂咁出，海外投資者對中資股戒心提高，現時（24600點）仍屬偏高水平，加上擔心中國經濟放緩，有一定調整空間。

至於恒指的目標，郭家耀坦言，會下試上次低位，與上次斬倉不同，料港股會呈陰乾式下跌，「好多人都話跌咗咁多日博反彈，反而比上一次殺傷力大」，可吼防守性高股份，料大市還原基本步，回調至滬港通前夕（22000點）水平。

美國聯儲局議息結果將於本港時間30日凌晨公佈，加上撞着期指結算日，郭家耀認為現階段「少做少錯」，上次斬倉盤一步到位，博短線反彈尚可，但今次不同，「沽家唔係被迫賣，真係想賣，賣完有一段時間唔會再返來，唔會出現一個急劇反彈。」加上不少股份由11月以來，累積一定升幅，沽壓不少。