【黑歷史】城城同門師兄弟 謝天華花30年由Dancer變男優
謝天華城城舞蹈風火海laughing哥
下個月就5字頭嘅謝天華,觀眾對其印象,多認識佢係「Laughing哥」或近來嘅「聶風」,但佢嘅舊史大家又知幾多?
謝天華(原名謝興華)喺1980年代加入大台,參加過藝員訓練班,後來轉咗去做舞蹈藝員,同郭富城及著名排舞師Sunny Wong屬同門,同樣係已故殿堂級排舞師梅施麗(Michelle Williams)嘅徒孫。後來謝天華離開大台,轉做舞蹈員,先後幫過林憶蓮、陳慧嫻等歌手伴舞。
到1992年,簽為許愿旗下,同陳小春及朱永棠組成「風火海」,推出過數張唱片;其後孖住鄭伊健拍攝《古惑仔》電影系列,憑其「大天二」角色備受注目。
除咗歌、影雙線發展,謝天華喺1997年曾獲歌神張學友賞識,喺著名音樂劇《雪狼湖》(粵語版)中,飾演富家子梁直。喺同一時期,謝天華重返大台,但今次係以演員身份返去,參演大台長篇劇《真情》等劇集,漸受注目。
到2006年,謝天華憑《女人唔易做》嘅角色「賤Man」推高人氣,翌年亦因佢參與大台與湖南衛視合辦嘅《舞動奇跡》(第一季)再成話題,結果佢同拍檔唐笑成功奪得該季冠軍。謝天華嗰幾年氣勢唔講得笑,到2009年,憑《學警狙擊》嘅「Laughing哥」將其事業推向高峰,其後更因角色大受歡迎,俾佢喺電影《Laughing Gor之變節》中擔正,兩年後於劇集《潛行狙擊》再演「Laughing哥」。
到2013年,謝天華約滿大台後冇續約,自己成立經理人公司「拉風工作室」,有接拍吓電影嗰啲,亦有返大台啲綜藝節目做吓嘉賓咁,但名氣的確不及「有約在身」嗰陣。近日喺音樂劇《風雲》中擔正做聶風,仲有得返大陸做巡迴,進賬不少。
謝天華、Sunny Wong、郭富城份屬同門(資料圖片)
到入大台拍劇,謝天華喺《法網伊人》呢個哨牙律師形象,好得觀眾心。(劇照)
謝天華喺09年憑《學警狙擊》「Laughing哥」一角彈起。
同樣喺09年,謝天華同黃子華喺《絕代商驕》合作。(劇照)
到10年,喺《老公萬歲》同曹敏莉有攬抱場面。(劇照)
12年,同鍾嘉欣喺《缺宅男女》有好長嘅感情戲。(劇照)
謝天華演「Laghuing哥」響朵,故電影《LAUGHING GOR之潛罪犯》順理成章由佢擔正。(劇照)