第二輪「Citibankx投資王擂台賽」去到中尾段階段，總參加人數成功超過4000人，勁！不過可能臨近農曆新年，開始有啲收爐feel，今日虛擬成交金額就只有25.8億元。

成績方面，一般玩家首名依然係NgSuiKwan，佢資產總值有1017.9萬元，增長239.31%，至於第二名又係ChanYuiKong，佢資產總值有1014.4萬元，增長238.14%，同首名唔係爭好遠，爭唔夠一個百分點，競爭非常激烈。反而值得一提，之前霸咗好多日首名嘅Mr.Tsang，近日靜靜從低乘升緊，今日上番第五位，最新資產總值係624.8萬元，增長108.29%，雖然同首兩名仍有一段距離，不過，玩遊戲嘅嘢話唔埋，所以要睇實我哋個擂台賽嘅最新發展。