【狗仔出更】張敬軒帶女去中環睇傢俬 睇掛牆佛像
張敬軒狗仔出更歌賦街
張敬軒今日下午五時許,同女助手乘7人車到中環歌賦街一間買懷舊傢俬店睇傢俬。該傢俬店共分兩層,軒仔就同女助手行晒兩層,見佢對一啲掛牆佛像、畫框等感興趣。
軒仔左睇右睇,約半小時後離開,《蘋果》記者上前問佢可有收穫,心情大好嘅軒仔就好老實咁話:「冇呀,啲嘢好貴呀!」
曾經試過有十年搬四次屋嘅軒仔(新聞連結: http://bit.ly/1HufJ0Y ),見佢又睇傢俬,記者就問佢係咪又搬屋呀?軒仔話:「唔係,唔係,睇吓啫!」語畢就同記者講:「辛苦晒!」,之後就同女助手離開。