中環在線：
龔仁心談交棒：邊個有能力就做落去 - 李華華
蘋果日報 2017/12/12 05:20
中環在線華懋龔仁心龔中心
龔仁心同姐姐龔中心噚日同傳媒午聚。
終審法院2015年確認華懋慈善基金並非龔如心830億元遺產嘅受益人，華懋執董兼管治委員會主席龔仁心噚日與傳媒午聚，其間被人問到有冇掛住家姐龔如心，佢話最想問對方「點解咁早走，留番咁辛苦位畀我……我係要鬧佢！」
74歲嘅龔仁心指，以前做醫生做得好舒服，家陣接手基金同生意，「上落都難，我想落㗎，我從來唔想上，唔係我願唔願意交棒，有好多因素，𠵱家仲未穩定」。
講到接班問題，佢解釋：「呢間公司唔係姓龔嘅，係慈善基金，但又唔係姓龔嘅。所以呢間公司係社會，係大家，你係老闆，我都係老闆。唔存在接班，邊個有能力做，做落去囉。呢個世界上講接班，可能係朝鮮以外，就冇！」
74歲嘅龔仁心指，以前做醫生做得好舒服，家陣接手基金同生意，「上落都難，我想落㗎，我從來唔想上，唔係我願唔願意交棒，有好多因素，𠵱家仲未穩定」。
講到接班問題，佢解釋：「呢間公司唔係姓龔嘅，係慈善基金，但又唔係姓龔嘅。所以呢間公司係社會，係大家，你係老闆，我都係老闆。唔存在接班，邊個有能力做，做落去囉。呢個世界上講接班，可能係朝鮮以外，就冇！」
研平租商廈予後生創業
嚟緊華懋打算將旗下尖沙嘴赫德道16號全幢商廈放售，查實呢幢商廈放售多年未賣出，最新意向價約4億元；同一時間，龔仁心又有個初步構思，想以平租將呢幢商廈租畀後生仔創業，可惜暫時未搵到NGO打理，佢希望搵到組織打理，咁會容易運作。
此外，政府同社福界牽頭推出社會房屋共享計劃，以廉價租金出租業主借出單位畀正輪候公屋嘅基層市民，華懋有份參與。華懋市場部總監龔中心話，除咗先前薄扶林16個單位，公司又將旗下幾十個空置單位拎出嚟，明年初會有第二、第三個項目向政府報告，地區與實際數量就未講得實。
此外，政府同社福界牽頭推出社會房屋共享計劃，以廉價租金出租業主借出單位畀正輪候公屋嘅基層市民，華懋有份參與。華懋市場部總監龔中心話，除咗先前薄扶林16個單位，公司又將旗下幾十個空置單位拎出嚟，明年初會有第二、第三個項目向政府報告，地區與實際數量就未講得實。