【悲從中來】是枝裕和赴西班牙領成就獎 憶樹木希林灑淚頒獎台
是枝裕和松田聖子齋藤工賴恩高斯寧樹木希林聖塞瓦斯蒂安電影節小偷家族嘉莉兒佛伊
日本名導是枝裕和飛抵西班牙,出席第66屆聖塞瓦斯蒂安電影節(San Sebastian Film Festival),香港時間今日,佢獲大會頒發表揚國際影壇成就嘅Donostia獎殊榮,成為電影節舉辦66年來首位獲得呢個獎嘅亞洲電影人。
是枝裕和憑今年新作《小偷家族》先在康城影展奪得金棕櫚獎,今次佢偕片中男星Lily Franky同赴聖塞瓦斯蒂安電影節,是枝裕和上台領獎時,佢笑言太早攞終身成就獎,形容自己嘅事業只係過咗一半,是枝裕和在台上更憶起日前逝世嘅樹木希林,佢話:「兩年前,曾與樹木希林為《比海還深》參與這個電影節,過了很開心的時間。這10年間,我們超越了導演與演員之間的拍檔感情。」是枝裕和實在與樹木希林合作無間,當說到感觸時,是枝導演卻悲從中來傷心落淚。是枝導演已不止一次揚威聖塞瓦斯蒂安電影節,近年先後憑《誰調換了我的父親》同埋《海街女孩日記》兩度贏得觀眾大獎。
聖塞瓦斯蒂安電影節從上周五起開鑼,為期9天於本周六閉幕,獲世界各地電影人鼎力支持,日本著名女星松田聖子偕齋藤工到當地宣傳新加坡與日本合作電影《拉麵茶》。至於憑《王冠》(The Crown)封艾美獎出爐視后嘅嘉莉兒佛伊(Claire Foy),就同新片《登月第一人》(First Man)拍檔賴恩高斯寧(Ryan Gosling)到當地參與盛會。
精選娛聞,喺晒《娛果》
http://fb.com/appledailyent
Lily Franky亦有同赴聖塞瓦斯蒂安電影節。
是枝裕和抵西班牙獲頒表揚國際影壇成就嘅Donostia獎殊榮。 路透社