曾被譽為「天下第一高手」嘅莫雅，今年又來港參戰國際騎師錦標賽，每逢佢來港策騎，不少練馬師都想找佢騎馬。

不過呢位高手就唔會亂接馬，五班馬更免問，所以佢肯騎得嘅馬一定有番咁上下實力，好似霍利時同沈集成一早卜佢騎今晚（4日）跑谷草的「水箭龜」、「勝感」同「南莊之歌」，呢三駒一定要睇實。

尤其第六場時廐「水箭龜」，其馬主廖舜康同「噴火龍」馬主陳錦霞非常熟，上季莫雅贏過「噴火龍」。

今次幕後再找佢騎「水箭龜」當然有淵源，馬兒新勝猶勇，轉場初跑谷草1650米唔怕，應可再贏。

在初代《寵物小精靈》中「水箭龜」、「噴火龍」及「奇異花」被稱為初代御三家。

若莫雅今次能贏「水箭龜」，便如同《寵物小精靈》主角小智，捉齊兩大初代御三家的圖鑑，惟現時沒有一匹現役馬叫「奇異花」，莫雅這位英國版小智要集齊可能要一段時間。

-------------------------------
參加《玄機解馬》節目，可免費畀美女堪輿學家唐碧霞睇八字、睇相指點迷津，快啲入嚟報名。
點擊即可免費睇相
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇