要數近期谷戰旺人首推Tony告東尼，他已連續六次取得頭馬，唔止目標贏大賽，就連細場都唔放過。

周三（12日）谷草夜戰，東廐繼續佈下強陣，當中第8場三班1650米「大運起」前仗初配田泰安只輸不足兩身位，上仗更重開勝門。

今仗雖然回升三班上陣，不過繼續抽到上次贏馬之二檔，又可貼欄慳腳程，加上改配另一旺人蘇兆輝。

他上周三（5日）接手兩匹其他騎師之新勝馬「歐洲之星」及「快利寶」均非勝即位，憑騎者之手風，有力再下一城。