【新增短片】
民主派同建制派議員今日喺立法會就議事規則大戰其間，唔少建制派都被迫坐定定，防止民主派點人數。過去試過開會其間，用立法會電腦喪昅另一議員、白鴿黨黃碧雲資料，笑死唔少傳媒的建制派議員「潘少」潘兆平，今日開會其間又有新搞作，就係邊開會，邊「揸車」去天水圍！

話說民主派今日同建制派議員謝偉俊唇創舌劍之際，潘少喺議事廳內，就用立法會部電腦，悠然自得咁打開Google Map駕駛功能，一直喺立法會部電腦風馳電掣，揸咗足足幾分鐘仲未完。潘少其後喺建制派小休時，就解釋因為星期日要出席一個機電安全推廣活動，位置喺天水圍花田韓式燒烤場，佢因為之前未去過，考慮緊自已揸車去，所以就喺開會其間睇定路，預一預到時點行喎。