噚日係姜大偉（John）嘅70歲生日，雖然佢之前曾講過今年生日唔會大搞，只係同屋企人食飯，定居外國嘅細女就會帶埋兩個孫返嚟香港同佢慶祝，不過話晒呢啲咁喜慶嘅日子，成班老友又點會唔同John 哥 慶祝吖？

噚晚姜麗文同鄭欣宜分別喺fb貼咗啲相，原來佢哋噚晚去咗John哥嘅「人生70笑咪咪生日會」，除咗佢哋、兩個女一家、兒子同埋啲孫仔孫女之外，仲有唔少圈中好友出席，包括：仙姐白雪仙、狄波拉、陳國邦羅敏莊一家同埋黃宗澤等等，佢哋仲專登搵咗張John哥嘅童年相整咗個人型紙牌公仔添，睇見John哥一家人齊齊切燒豬嘅相， 再加上個個都爭住同佢影合照，難怪佢笑到四萬咁嘅口！

欣宜事後留言話：「有些人很久不見，見番時就像以前咁。好舒服。Happy 70th birthday Uncle John!!!So happy to be able to make it to your big party.」