韓國神劇《來自星星的你》的32歲男星安宰賢和35歲女星具惠善今年8月驚爆三年婚姻亮紅燈，具惠善先在IG發功宣佈「被離婚」，之後頻頻在IG數臭安宰賢，最終安宰賢決定向具惠善提出離婚，兩人目前正就離婚展開訴訟。

近日安宰賢接受韓媒《OSEN》訪問，當中他告白自己的心情指無論精神或是肉體上都十分疲累。安宰賢陷入離婚風波後，工作未算受很大影響，上月底孖吳漣序等演員現身MBC新劇《有瑕疵的人們》的發佈會造勢，當日安宰賢蒲頭時表現緊張，更頻頻在台上抹汗，當時拍檔亦在現場大爆安宰賢拍攝時經常流汗，令人擔心他的健康情況。安宰賢就回應：「製作發佈會係非常重要嘅場合，因為擔心我參加會唔會帶來損失，所以先十分緊張，汗水亦好似落雨一樣。幸運嘅係具元嘅紙巾救咗我，同埋吳漣序和金瑟琪嘅說話令到現場氣氛輕鬆唔少，所以我覺得事情就似乎圓滿結束了。我都係第一次流咁多汗，自己都嚇咗一跳。」

安宰賢亦透露自己暴瘦不少，他比《有瑕疵的人們》第一日開工時瘦了近10kg（約22磅），目前體重只得約60kg（約132磅）左右，他說：「經過各種艱難嘅時間，食飯又唔定時，各種壓力導致我消化器官出現咗異常情況。不過醫院方面亦唔確定原因，現時一直關注着病情，但係我病得唔算嚴重。」對於把減磅、身體不適等私人生活公諸於世，是否一種負擔時，他就說：「說實話，如果話自己唔攰，咁就係講大話，我嘅精神和肉體上嘅所有方面都好攰。」

安宰賢強調劇集導演給予他不少力量，亦感謝同劇拍檔的支持，由於得到眾人的信任，所以他不會因為自己的痛苦而放棄一切，又表示：「我會甘願接受大家嘅鞭子，我認為喺作品進行過程中，呢個亦都係我必須承受嘅部份。我會一直竭盡全力，等大家睇到我越嚟越進步嘅樣子，希望大家繼續關注我。」

-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇