憑《步步驚心》走紅嘅大陸藝人劉詩詩，一直係廣告商熱門之選，不過有不法商人喺未經劉詩詩同意下，用咗佢嘅相做宣傳，近日劉詩詩入禀新設嘅北京互聯網法院，控告北京兩間公司，一間化妝品公司、一間科技公司，在未經授權下擅用其高清照片作廣告宣傳。

入稟狀中，劉詩詩一方除要求被告即刻刪除涉嫌侵權之內容，以及公開道歉，並分別要求賠償經濟損失10萬同20萬元人民幣，另加維權成本各3,000元人民幣。

劉詩詩一方又指出，兩被告旨在利用其名人效應吸引人注意，有明顯嘅商業宣傳屬性質，係以營利為目的，故要求賠償；劉詩詩亦提出，侵權公司此舉容易令大眾誤會，認為原告同被告之間有合作關係，抹殺佢同相關公司合作機會，而導致損失。

精選娛聞，喺晒《娛果》：
http://fb.com/appledailyent