韓國男團Super Junior（SJ）嘅33歲成員金希澈，早前於綜藝節目《認識的哥哥》自爆飛女原因，又話曾跟於夜店認識嘅「姐姐」拍拖，雖然佢大爆情史，不過依舊被傳佢係同性戀者。

據知，最近韓網瘋傳一小道消息，指A君係同性戀，為隱瞞同性戀身份而刻意跟女團成員好老友，網民又指A君就係金希澈。

於早前播出嘅節目《認識的哥哥》中，利特提到呢個傳聞，仲問在場嘅金希澈：「你應該唔會對我哋都講大話吧？」金希澈就表示，對於自己被傳係同性戀一事，感到非常驚訝，並否認傳聞。