諸葛紫岐（Marie）嫁畀Neway二少薛嘉麟結婚5年，囝囝薛華韜月尾都4歲，兩公婆依然會抽下時間過下二人世界，夫妻恩愛。

Marie同薛嘉麟日前(20日)大概6點鐘現身喺銅鑼灣時代廣場行超市，Marie一身衛衣、牛仔褲同波鞋打扮，戴住黑超同揹住嗰幾十萬嘅Hermès手袋，而佢老公就西裝骨骨。二人目標清晰行入city'super買餸，主攻蔬菜、肉類同香腸等食品，見Marie行前，薛嘉麟推住購物車尾隨，好多時都係Marie揸主意，但間唔時都見佢同老公有商量。佢哋行去畀錢時，Marie繑實老公手臂，而薛嘉麟行行吓就一手推車、一手拖住老婆手，去到收銀處由老公畀錢同拎購物袋，全程做「阿四」推車仔、埋單、拎嘢，仲有拖實老婆。

兩公婆買完餸，就步行去附近利園上車，短短幾分鐘步程，薛嘉麟右手拎住大袋食材，左手就同老婆十指緊扣，全程做足愛妻號。

更多娛聞，喺晒《娛果》
http://fb.com/appledailyent