韓國型男張東健早排日忙夜忙趕拍新片《哭泣的男人》，今日片商終於宣佈套戲會喺6月，喺韓國公映，仲首次公開電影海報！

健哥喺《哭泣的男人》飾演殺手，佢收到組織嘅命令要殺死目標人物金敏喜，海報呈現黑白強烈對比，揸住槍嘅健哥手上嘅紋身仲好搶，個look好man。


呢套戲係賣座片《殺手代父》導演李楨凡嘅新作，元斌當年就係憑《殺手代父》演殺手獲封影帝，所以今次健哥加李楨凡呢個組合，都被睇好冇得輸。