賭王何鴻燊四太、澳博（880）聯席主席梁安琪私人投資嘅路氹澳門主題公園渡假村，一直只聞樓梯響，由2006年澳門政府批地起計，屈指一算都超過10年，中間傳過話搞HelloKittyLand，又傳過做賭場。聽聞，四太二仔何猷亨（Arnaldo）一直為呢個項目奔走，飛去日韓、歐洲引入合作夥伴。

25歲的何猷亨從英國畢業後，2015年正式去澳博返工，亦有參與四太旗下尚嘉控股嘅物業項目。至於路氹呢個主題公園渡假村，明日就由佢主持推介會。家陣澳門有咁多酒店渡假村，食買玩藝術樣樣齊，賭客與家庭客都兼顧到，何猷亨呢個新項目有乜新元素去wow一wow市場呢?

事實上，唔少富二、三代加入家族企業一段時間，都會有一兩個項目打骰，好似新世界(017)第三代接班人鄭志剛就有個K11。何猷亨呢個考牌之作，pass與否，真係要拭目以待，事關個項目仲起緊!

全球樓行 Dream House零距離
https://hk.feature.appledaily.com/overseasproperty