不過講真,變靚咗嘅Angelababy事業真係一帆風順,就連感情事都多姿多采,唔知係唔係因為佢同黃曉明嘅感情好穩定嘅關係,感情有着落所以就疏於執靚個樣。
大前日Angelababy喺台灣相約造型師兼好友陳孫華飯敍,不過離開香港嘅Angelababy似乎一啲都唔擔心會被狗仔隊追訪,佢好放心咁以素顏現身,平日戴大眼仔充大眼嘅Angelababy,冇添加後雙眼即時縮水,連帶櫻桃小嘴都忽然撐大咗,係舞台上明艷照人嘅Angelababy今次真係失手兼失色唔少,佢仲要唔顧儀態公然挖鼻,完全唔顧衞生,唔通佢唔怕喺宅男心中嘅女神地位會消失,難怪佢知道被影咗相時,尷尷尬尬以笑遮醜啦。