今個星期重頭作《首都高Battle01》由於有行貨,所以喺星期二已經見街,但係貨源比之前《頭文字D》少,好多地方都賣到成400蚊左右,今次行貨終於附有中文說明書,抵讚!
PS2同日重有隻2B級遊戲《EVE》,市價都係$350左右,另一隻賽車遊戲GC《F-ZeroGX》由於美國重未推出,好多貨都俾出口商掃晒,好多舖頭甚至收埋晒賣畀鬼佬,鬼咩!美國嗰邊賣成四百五蚊都有價有市,相反香港啲Game一過四百就得個擺字,都咪話唔灰。上星期GBA《我們的太陽》又再返貨,現價約$350,隻遊戲要曬住太陽玩,可算近年少見有新意嘅作品,大家不妨支持支持。
文:打機鐵人