【唔食蟲草】放棄米雪三哥愛駒!雷神揀騎更惡戰馬
蘇偉賢梁家俊莫雷拉雷神呂健威天生一對苗僑偉米雪蟲草之星
雷神莫雷拉最近氣勢如虹,贏馬如斬瓜切菜般容易,就快追過田泰安殺上騎師榜第二位。
這位巴西籍好手現階段其實有兩大任務,一是要助波士蔡約翰爭冠軍練馬師,其次雷神下季做番全季公司騎師,目前要開始向各廐主送秋波,重新建立默契,方便日後搶奪潘頓等騎師的地盤。
好像嚟緊周三(5日)谷中夜馬三班一哩,蔡約翰冇馬出,雷神梗趁機會搵外線馬效力,而呢場原來有兩隻惡霸等住雷神騎,就係蘇偉賢旗下「天生一對」及呂健威馬房「蟲草之星」,結果雷神點揀?
佢最終選擇了「天生一對」,而米雪嚴惠玲、三哥苗僑偉的團體馬「蟲草之星」將重配梁家俊。
雷神揀了四歲的「天生一對」都算合情合理,他騎過此駒兩次全勝,馬兒只跑過五仗,里程尚多,評分仍有不少上升空間。
上仗用貝力斯初跑同程谷草一哩,12檔奇劣焗放下,最終跑第四只負0.5馬位,如果唔係檔位咁差,又或者貝力斯騎好啲,相信已經贏得。
當晚「天生一對」咁出色嘅表現,雷神自然有眼睇,所以佢二話不說,今次將「天生一對」搶回來操刀,縱使「蟲草之星」上仗由雷神跑第二,亦很有份量,但信雷神眼光的話,明顯「天生一對」在他心目中地位更高。
---------------------------
【六四30】守住歷史 拒絕遺忘
https://hk.adai.ly/zdzKtt2RiW