杜汶澤近半年努力操肌減肥，總算見到成果，日前佢喺facebook貼咗半裸騷肌相，令人眼前一亮。噚晚阿澤同老婆田蕊妮出席《爛滾夫鬥爛滾妻》首映，問到佢係咪想向張家輝挑機？佢話： 「冇得挑，佢拍《激戰》，我拍床戰，要求唔同，我唔係要腹肌，係要股肌，我要做股巨肌。」

阿澤為新戲《豪情2》扮AV男做準備，有冇向客串嘅「神之手」加藤鷹請教？阿澤話有，仲話電影有意搵埋拓也哥加盟：「戲中講我有挫折不舉，要搵個最有吸引嘅人令我有番『能力』。」