MKPop組合天堂鳥出道半年，今日推出首張唱片，更推出250張特別版，之後會捐到慈善機構。佢哋喺尖沙嘴舉行活動，數十歌迷圍觀吶喊助勢。佢哋話終能出碟感開心：「真係好似我哋三個嘅BB出世，好興奮。」

一如其他歌手習俗，天堂鳥都會買自己嘅唱片支持，更會送給親友答謝眾人一直為自己打氣。問到今次印多少張，佢哋話：「唔知，但我哋會日日問賣得好唔好，有冇加印。」佢哋又話若賣得好會請同事食飯慰勞。

對於霆鋒同王菲復合，天堂鳥隊長Gordon話：「雖然唔知係咪真，但係每個人拍拖，都希望人哋每段感情都會長久，兩個人相處開心係最重要。」