今日(29日)沙田八草兩泥賽事，草地用B加2跑道，度地儀指數2.71，場地掛牌為好地。今日將不會進行壓地。

睇番最近10月7日同一移欄賽事，當日亦是好地及度地儀指數2.71，跑道偏差唔算嚴重，就算走外叠之居中後上亦唔算蝕底，好似「皇牌」、「數糊勇士」、「開心神駒」及「超新星」都係沿途走外叠下以後勁反先對手勝出，選馬時不宜過份側重內叠前置馬。今戰列陣馬中，第四場「駕迅」係全場唯一贏過田草B加2欄1400米之馬匹，另外，第十場「勇霸神駒」三次角逐田草B加2欄獲兩勝一位，場地性能唔使懷疑，值得優先留意。

至於泥地方面，今日硬度計指數10.94，掛牌好地。近期短途繼續利放，至於一哩則大利後上，頭場一哩可留意靠追食糊之「架勢」，而第九場1200米則要秤先可擺前走之「喜進」。