【傘運4周年】傘後走進社運 龍和道女生願為改變社會「坐監」
龍和道傘運社工系何嘉柔
4年前,何嘉柔還在讀中四,是龍和道站得最前的女生之一。今日她已是社工系大專生,走進社區創辦地區組織,全因那段在遮打自修室守望相助的動人時光,她初次感受到何謂獅子山精神,「原來香港係咁靚」。傘後她加入學民、為梁天琦助選、再入眾志,見盡政權瘋狂打壓,仍堅持站在政治風眼,只因忘不了被警棍毆打、戰友身陷囹圄的憤怒。若面對牢獄的是自己,小妮子坦言會怕,但更怕社會的冷漠善忘,若可以帶來改變,「我願意(坐監),只要係值得嘅。」
記者 鍾雅宜
與不少中學生一樣,4年前的何嘉柔對時局並不關心,「有聽過吓罷課,但唔了解真普選」,直至她在9月28日看着電視直播警察以催淚彈驅散市民的一幕:「好震撼,血淋淋見到好多衝擊,細個只會見到隔離國家示威係咁,但竟然香港警察可以拎起嘢打人。」翌日她與同學在學校發起罷課,放學首次到金鐘佔領區,通宵留守,從此成為金鐘常客。
回想那79日,何嘉柔最難忘遮打自修室那種陌生的溫情:「自己溫緊書,會有人問係咪有題目唔識、會教我,夜晚有人會送飯嚟,每個細節都令我覺得原來香港係咁靚。」她形容以往覺得獅子山精神離她很遠,傘運方令她親歷那種歸屬感。因此她後來與朋友創立「沙田一隅」,透過辦社區報、呼籲街坊幫襯瀕臨結業老店、反對插針樓等,令社區不再冷漠:「其實呢種感覺(街坊情)唔係消失咗,只係收埋咗,做沙田一隅就希望大家打番開度門。」
傘運溫情觸動她走入社區,對政權的憤怒更改變了她的人生方向。4年前的11月,雙學呼籲佔領人士包圍政總,她和抗爭者欲佔領龍和道,但築成的人鍊瞬即被警方擊潰,她腰間遭警棍打瘀:「我扶住個老人家,佢行得慢,警察就打落個老人家度,伯伯好驚,你打我唔緊要,但老人家都可以一棍毆落去,嗰下令我最嬲。」
原本打算考入中文系的何嘉柔,傘後改讀社工系,希望多參與社會運動,更加入學民思潮:「想延續雨傘精神,明明大家有呢個理念,好唔甘心就咁完咗。」2016年立法會新東補選時她曾替梁天琦助選:「嗰時對本土派有啲期望,覺得香港需要新氣象,亦都認同部分理念,例如多關注本土或港人利益。」
2017年8月「雙學三子」黃之鋒、羅冠聰及周永康被判入獄6至8個月當日,她毅然加入香港眾志:「見到佢哋坐監好嬲,嗰種打壓,底線不停降低,唔想畀人箝住嚟打。」梁天琦被判入獄6年更令她憤怒:「有衝動想做更多嘢。」但她明白現時香港人的確很灰很累,「遊行人數愈來愈少,眾志成員完全入唔到閘,望住對自己黨嘅打壓都好似無辦法反抗」。
除了打壓,她亦面對同輩的冷漠:「返到學校好似兩個世界,無人理DQ,邊個係周庭、香港眾志都唔知,連說服同學登記做選民都難。」但她堅信,即使4年過去,當日的精神仍有望延續下來:「曾參與雨傘嘅,有啲人開始背棄信念,但仲有好多人嘅理念仲響度。」甚至當年堅決反對她佔領的媽媽亦開始軟化:「當時嘈得好勁,媽媽喊住問,你係咪想逼死我?係咪要我跳樓先肯返來?」但近年她開始了解普選是什麼一回事。
雖然獲家人諒解,但若要付上政治代價,20歲的何嘉柔坦言心中會有猶豫:「有諗過究竟可以為理念付上幾大代價,可能會接受幾個月(坐監),如果要1年、6年,我都唔敢講我OK……但如果可以推動到一啲嘢,我願意做,只要係值得嘅。」
立會補選新聞,《蘋果》一網睇晒
http://bit.ly/appledaily1125
4年前,何嘉柔還在讀中四,是龍和道站得最前的女生之一,今日她已是社工系大專生。李家皓攝
何嘉柔4年前還在讀中四,今日她已是社工系大專生。李家皓攝