英國著名歌手佐治米高（George Michael）於前年聖誕節離世，至今逝世兩周年，但墳前竟然仍未有墓碑，遭粉絲炮轟唔尊重。佐治於倫敦墳場被安葬於亡母旁，但有粉絲就發現其墓碑仍未豎立：「完全係可恥兼唔尊重。」矛頭直指佐治家人。但亦有粉絲指佐治為人低調，家人可能因此而故意唔立墓碑。另外，最近亦有兒童慈善機構及愛滋病慈善機構透露，由佐治逝世至今仍然有收到捐款，另外一所美國食物銀行機構亦表示，自1993年至今仍收到已故巨星捐款：「佢低調嘅慷慨行為，一年又一年咁幫助我哋，其善行幫助咗我哋上千嘅受助者。」相信係其親友仍然以佐治遺產做善事。

精選娛聞，喺晒《娛果》
http://fb.com/appledailyent