英國萬人迷碧咸（David Beckham）早排同家人去加拿大滑雪，佢大仔Brooklyn仲唔小心跌斷咗鎖骨，搞到要包住隻手。首次去滑雪嘅碧咸喺Instagram晒佢四日內練成嘅技術，睇起上來都幾有姿勢有實際。

不過原來喺Brooklyn跌斷鎖骨後一日，碧咸滑雪時都出咗意外，跌落地仆崩咗隻門牙。佢一回到倫敦就立即去睇牙醫補牙，好在成功補番，冇影響佢個靚樣。碧咸日前喺IG上載咗張入廚焗批照，睇佢笑得咁燦爛就知冇事啦。