仲要咁睇，家陣內地銀幕數目，得1.5萬塊，遠遠比唔上一啲先進體，好似美國4萬塊嘅數目，加埋內地本土電影受落，內地電影仲有好大發展空間。橙天嘉禾亦都規劃增加內地影城數目，預計由家陣52間，去到明年底時增至71間，提供總共508塊銀幕。
面對住電影文化產業龐大增長潛力，橙天嘉禾自己又踩油加速，食住大勢，內地會係中線爆炸力所在。
上年度年報，掌舵伍克波，視為擁有合共15.9億股集團股份。到咗今年半年度成績單，持股上到17.23億股，或64.3%。伍生呢幾年，喺橙天嘉禾嘅權益，係有多冇少，對集團同內地電影信心係點？講晒。
橙天嘉禾現價（0.56元）PB得0.83倍，場內的電影文化產業股美亞（391）7.3倍PB，國家文化產業（745）6.5倍，停咗牌嘅阿里影業（1060）7倍。又主打影院瓣數嘅美國企業Carmike Cinemas，家陣PB，亦講緊去到2.9倍，橙天嘉禾平咗一截。
煲橙天嘉禾，中線當翻一番去到1.1元計數，PB挨近1.6倍，都仲未追到最近磅嘅Carmike Cinemas，更何況上邊所講嘅China play？