【新增影片】

相信講到意大利走光女主播，大家一啲都唔陌生，芭芭拉（Barbara Francesca Ovieni）喺意大利一個電視節目做主播果陣，唔覺意拉起條裙，走晒光，呢幾日俾全球傳媒大肆報導，可以話係一夜爆紅。

人紅當然有人眼紅啦，好多網民話佢係特登，靠呢樣嘢上位喎。當事人就係自己Instagram回應，話估唔到四份之一秒發生嘅事，會喺全世界瘋傳，仲話單嘢發生喺一年前，乜仲係「新」聞咩？之後佢又喺當地媒體發聲明，話覺得啲人用四份之一秒發生嘅事嚟標籤佢，係一件好荒謬嘅事。

其實面對鏡頭，再專業嘅人都成日會出錯，何況突然講番一年前冇人知嘅事，就話佢係特登搏上位，咁樣好似對當事人唔係好公平囉。