活在精神病院，是怎樣的呢？現年33歲的Ken，幾年前失業加失戀雙重打擊，激動得要尋死，社工以為他精神失常，送他到急症室，隨即轉送葵涌醫院，度過了10天的非常生活。
Ken入院翌日要驗血、驗尿及腦掃描，隔日與主診醫生及臨床心理學家見面，「問我有冇覺得被迫害，有冇幻聽、幻覺」。他說醫生與心理學家一星期見病人兩次，初入院病人要做明尼蘇達多相人格調查表（MMPI），共有200多條選擇題，「我要兩個幾鐘頭先做完，做得晒嘅人應該唔係黐線。」

蠱惑仔攞儍仔卡傍身

入住大房的Ken稱，葵涌醫院陳設與一般醫院沒有大分別，病人可在活動室看電視，大部份病人舉止看來很正常，「有人偷運手機入院，打電話買賣股票，亦有幾個人圍埋鋤大弟」。平靜以外，也有一些驚嚇場面：「我住落幾日後，忽然有個病人細細聲同我講：『我知道你入嚟係有特別任務。』」
對於有人裝瘋入院，Ken說不出奇，留院期間，院友告訴他有些蠱惑仔蓄意濫藥入院，「可能係避債、着草，據講有部份目的係攞俗稱『儍仔卡』嘅精神病紀錄證明，第日犯事被捕，唔使去差館，可以入葵涌羈留」。留院10日，確定正常後的Ken獲批准出院，他形容經歷「慘過坐監」，「全日都喺病房，冇得出去行吓，入面每個人都想走」。《蘋果》記者