最近傳出婚變的庾澄慶，對於感情問題一直在迴避，不肯回應傳媒，惟有叠埋心水繼續為無綫的《耳分高下》做主持，前晚他在將軍澳電視廣播城錄影節目，並請來湯盈盈、賈曉晨（JJ）和洪天明等做嘉賓，其中一個遊戲環節，主持人要湯盈盈與JJ扮爭男友錢嘉樂而尖呼大叫，並以叫聲的分貝來定輸贏，結果由嘉樂的緋聞女友盈盈叫贏。
此外，洪天明被安排與JJ一組拍檔玩遊戲，明顯勁冧JJ，大讚她夠溫柔，卻搞笑地勁踩盈盈，指她不是女人，又笑指她口大，連拳頭也可放入口。

湯盈盈實行大報復，在洪天明蒙眼玩遊戲時，趁機會走近大力摑了他一巴。由於洪天明對JJ甚細心，故被主持人之一的鄧健泓取笑做狗公，又笑他大發女人寒。
在現場有8位Sing之天使，加上JJ個個青春貌美，問到盈盈可擔心被後生女搶鏡，她笑言大家各有各可愛。對於出身於味之天使的JJ，今次以嘉賓身份來演出，她說：「𠵱家8位天使都好後生，個個都咁有潛質，啲衫又少布。」年前JJ拍電影的一場被扑頭戲份，誰知她真被扑到暈，她苦笑說：「呢次係唔好嘅經歷，大家都叫我小心啲，我以後會識得叫唔好，或者叫停手，要識得保護自己先得。」
採訪：王崇穎　攝影：陳順禎