即將做老竇的白鴿黨立法會議員涂謹申,噚日正式宣佈今年會再度為黨披甲,出戰區議會選舉,而涂呢個準老竇,噚日仲帶埋買畀BB的枕頭出席黨誓帥大會,力證自已係有個「有承擔」的男人,「48歲仲生細路,算係有承擔啦啩!」。阿涂話,BB預產期本來撞正今年區選投票日,即係11月6日,兩公婆經商量後,正諗緊改喺10月底劏肚生。
阿涂早排飛到菲律賓幫香港人質家屬,據講老婆好擔心阿涂安全,結果兩公婆唯有日日用whatsapp溝通,「一用wifi,就whatsapp㗎嘞,仲send埋相」,至令現時懷孕八個月的老婆放心。