關仁隱事:「小J」唔衰得亂吹雞 - 關仁

蘋果日報 2012/12/10 00:00


好耐之前「大姐大」飲醉酒得罪社團大佬,好主要都係因為佢當時男友「小J」搞成咁,小J乜嘢事都鍾意吹雞解決。嗰次就吹大咗,因為人哋反吹仲要有槍,搞到要扮矮仔。經一事佢冇長一智,近日小J又冇端端喺大酒店吹雞,搞到件事小事化大。有同小J熟嘅朋友話,小J份人粗魯而且恃住自己練過拳,有人望吓佢啲女朋友都喊打喊殺。對朋友都冇面畀,好似飲酒玩骰仔猜枚贏輸都好平常,點知佢唔衰得,輸幾鋪就講晒粗口,搞到同佢出去玩嘅朋友都冇回頭,唔肯再同佢飲。
撰文:關仁