【七年前派咗飛！】AKB十周年玩死粉絲門票炒至萬三
蘋果日報 2015/09/07 06:00
蘋果AKB48大島優子板野友美即時前田敦子篠田麻里子
今年迎接十周年嘅AKB，竟然七年前已經派咗十周年演唱會嘅飛！- AKB十周年，兩位前一姐大島優子（左）同前田敦子都會回巢演出。
- AKB組成十年，頭幾年都冇人估到佢哋會爆紅。
- 佢哋嘅十周年騷門票已炒到廿萬日圓（約13,000港元）。
- 十周年演唱會竟然要粉絲搵番七年前張飛，真係玩死。
日本組合AKB48今年已經組成10周年，佢哋噚日宣佈將於喺12月6日舉行10周年紀念騷，一班領帶AKB走紅嘅前成員包括前田敦子、大島優子、篠田麻里子及板野友美等，都會回巢參與演出。由於呢班前成員再合體演出機會真係千載難逢，所以粉絲都好期待，點知門票竟然喺七年前已經派發咗！
原來今次AKB係益啲長情粉絲，佢哋七年前推出嘅寫真集中，附送一張十周年紀念演唱會門票，當時AKB仍未走紅，亦冇人估到佢哋後來會爆紅兼且玩到十年，所以好多粉絲一早已將張門票當垃圾掉咗，估唔到該張門票真係兌現。有好多AKB走紅咗之後先至鍾意佢哋嘅粉絲，對呢個安排都唔係咁滿意，而喺前日AKB宣佈招待該門票持有人後，立即出現炒賣，前晚日本拍賣網已有人以廿萬日圓（約13,000港元）出售，啲舊粉絲真係無端端發達。
原來今次AKB係益啲長情粉絲，佢哋七年前推出嘅寫真集中，附送一張十周年紀念演唱會門票，當時AKB仍未走紅，亦冇人估到佢哋後來會爆紅兼且玩到十年，所以好多粉絲一早已將張門票當垃圾掉咗，估唔到該張門票真係兌現。有好多AKB走紅咗之後先至鍾意佢哋嘅粉絲，對呢個安排都唔係咁滿意，而喺前日AKB宣佈招待該門票持有人後，立即出現炒賣，前晚日本拍賣網已有人以廿萬日圓（約13,000港元）出售，啲舊粉絲真係無端端發達。