韓劇《奇皇后》、《Healer》嘅29歲男星池昌旭，今年佢將會入伍，而喺入伍前佢就爭取時間見粉絲，其展開亞洲巡迴粉絲見面會，當中香港站《2017 JCW FANMEETING IN HONG KONG #DIARY》更定於4月9號喺九展Star Hall舉行。

近日池昌旭喺韓國忙於為新片《虛擬都市》(前譯：被操縱的城市》宣傳，電影亦會喺香港上映。而池昌旭就趁入伍前來港見港迷，事關今年入伍後，佢最少有兩年時間見唔到港迷。而見面會門票將於下周二公開發售，門票分三種，分別為$1,380有機會可與池昌旭擊掌600名、合影(共120名/20人一組)、簽名海報共120名、$1,180有機會可與池昌旭擊掌300名、合影(共60名/ 20人一組)、 簽名海報共60名以及$680有機會可與池昌旭擊掌100名、合影(共20名/20人一組)、簽名海報共20名。