減價後的52折居屋再接受新的申請，供應未有增加，但由於大幅減價，申請者肯肯定大幅增加，變相令舊的申請者中籤機會降低，今日有申請者交表後，表示若抽中，借貴利都要買，足見香港樓市有幾瘋狂。

其實52折居屋，售價已算是部分人能負擔的範圍，若廿萬首期都負不起，其實根本唔應該去買居屋，因為買樓真的是留給有準備的人，要借貴利，不如去申請公屋吧，否則將來樓價下跌，變成負資產，那位申請者又要鬧政府迫佢上車了。

筆者相信今次十幾萬申請者，大部份都是有能力及有準備買到居屋的，但其實四千多個單位，根本未能滿足需求。住宅土地供應已經係燃眉之急，香港有好多土地閒置未用，就要睇政府有冇心去做嘢。

粉嶺高爾夫球場即將定生死，政府意向好似唔想收回球場起屋，仲將民間意見稱之為「兩極化」，試圖淡化既得利益者的關係。粉嶺高球場佔地170公頃，根據顧問公司嘅方案，如果全數興建住宅，可提供1.32萬個住宅單位，根據民主黨的研究，高球場全部發展，可以建成大約17萬人嘅社區，足夠應付3年嘅單程證「團聚」名額，讓本地居民唞一唞氣。可惜政府一向缺乏勇氣向利益者開刀。高球場只得約2,610個會員，公司會籍炒到過千萬，16/17年度要交嘅地租為239.7萬，差餉399.2萬，以民政局公布的私人遊樂場契約政府的檢討結果，私人體育會要收市值地價三分之一租金，計返一年市值租金大約5.5億，即係高球場每年要交1.8億租，除返每呎月租只得8毫子，一元都唔夠，平過而家租劏房。政府每年少收3億幾租金，補貼富豪打Golf，呢啲唔係特權，真係唔知叫咩。

斯郎
fb.com/oneroadonebelt

全球樓行 Dream House零距離
https://hk.feature.appledaily.com/overseasproperty