42歲嘅張新悅（Nicola)與區議員老公楊哲安婚後，生咗三個女，Nicola早前宣佈意外地懷第四胎，而今胎都係生女，但佢就講明唔會再追仔，決定生埋呢胎封肚。

Nicola現在已經懷孕37週，隨時生得，噚日就趁生B前出海吹吹風，佢喺ig貼咗一張喺遊艇上面嘅大肚靚相，着上白色三點式泳衣，個肚超大，實行喺封肚前留倩影。佢留言﹕「端午節快樂！應該是最尾一次出海....看到不一樣的耳環嗎？」、「相信我一世再也不會有那麼大的肚，記念一次吧！#大肚婆 #大肚婆日記 #張新悅 #第四胎 #37weekspregnant #countingdown」。

唔少網民都讚Nicola係靚靚媽媽，因為除咗巨肚外，個樣都冇乜點變，而且手腳仍然纖瘦，真係令人羨慕。

今午Nicola係接受《蘋果》訪問，笑言只係趁端午節輕鬆一日：「呢排真係好忙，因為準備開嘅網店好多嘢要搞，我連『走佬袋』都未執。」又打趣謂：「我次次生B都唔會有前四（星期）後六（星期）休息0架，前四個鐘就有！不過生B之後嘅嘢已經安排好晒，之前同一間催乳中心合作，佢哋會安排陪月畀我，之後仲會幫我修身。」

Nicola話佢今次第一次生完要修身，因為頭兩次生完，都未修身已經有咗，細女就因為特別多嘢照顧，自自然就瘦晒，今次封肚唔再生，梗係要修身啦！

講到有網民讚佢咁大個肚都冇肚紋，Nicola好開心咁話因為佢好勤力捽肚囉！

精選娛聞，喺晒《娛果》
http://fb.com/appledailyent