鄧達智今日喺觀塘出席「榴槤放題宴會」，自稱「榴槤精」嘅佢，每年都同朋友專程飛去馬來西亞同新加坡食榴槤，佢表示每個人一日可以食兩個，問佢點樣keep fit？鄧達智話：「行好多啲路，飲齋啡，唔食其他嘢。」

提到佢喺元朗開設一間餐廳私房菜，佢話：「有款榴槤多士。」佢指晚市嘅私房菜，收入非常穩定，日頭嘅餐廳有唔同嘅客路。

對於蘇永康（阿公）日前爆出「天下第一關」鄭紹康曾以3000蚊侮辱性嘅價錢搵佢出活動，就連洪卓立、莊端兒同前新城知訊台高級執行監製林柏希都分別圍插鄭紹康虛偽，鄧達智聞言即刻話：「係囉，咁奇怪，其實佢哋好揀擇，有佢哋圍內認定嘅人，我近年都好少出活動。」