位於深水灣的Aberdeen Boat Club（ABC），同隔籬Aberdeen Marina Club（AMC）雖然都係船會，但入會費則有天淵之別，ABC較平民化，被謔稱為「窮人遊艇會」，奇就奇在何解恒基二公子Martin Lee李家誠剛剛成為ABC會員呢又？似乎唔啱佢身份喎，其實以恒基二少身家，又點會唔係富貴遊艇會AMC會員，只不過AMC有船滿之患，上船落船都唔係好方便，甚至要搵隻駁艇上遊艇，ABC就唔同，遊艇可直接泊埋會所上落客人，老婆子淇生仔之時，李家誠送上億元遊艇作獎勵，一家六口共享遊艇樂，相信做窮人遊艇會會員，只係為咗方便上落遊艇咋！