當年今日
關於我們

【爆相爆片】大人細路懶理警告 花心坑集水區玩水

蘋果日報 2018/06/04 21:13

玩水水務署集水區花心坑

水務署都有廣告提示雨季來臨,呼籲巿民唔好進入集水區玩水,一旦遇上暴雨,引致山洪爆發,好易出事。不過總係有人唔聽話。居住廣源邨的張先生適逢上周末(2日)沿小瀝源行山,目睹數名男子帶同男童,喺花心坑集水區內游水,游得不亦樂乎。
張先生話,集水區對開已豎警告牌,講明唔准巿民玩水,否則判處罰款,而且嗰度集水區除咗收集雨水,仲會畀埋附近村民飲用,批評班人:「香港好多公眾泳池又唔去,貪唔洗錢入集水區污染食水,嗰度成米七水深,真係好危險!」
查實水務署曾試過捉人,去年7月就有2名行山客進入大嶼山二澳水澇漕集水區嬉水,違反《水務設施條例》,結果喺西九龍裁判法院被判罪成,各罰款500元,所以大家千祈唔好以身試法呀!
empty
有巿民目擊有人違規在集水區游水,危及自身安全。(讀者提供圖片)