【李八方online】在港英那些年支持三權分立的他與她
蘋果日報 2020/09/04 11:03
大公報三權分立伍淑清梁振英陳永棋
回歸23年，京官都唔止一次話香港唔行三權分立，不過震憾度點都唔夠由身為香港人嘅特首林鄭月娥把口講出嚟。有熱心讀者就畀咗一則剪報八方，內容係講N年前，有57位基本法諮詢委員會發表支持三權分立嘅意見書，當中唔少人今日好出名㗎。
讀者畀八方嘅剪報係來自中共喉舌《大公報》，夠晒根正苗紅，時間係1986年8月22日，即係林鄭入咗港英政府6年，仲做緊布政司署保安科助理保安司嘅時候。剪報內容大意係57位來自工商、專業界別嘅基本諮詢委員會委員，發表一份叫做「未來香港特別行政區政府架構芻議」嘅文件，建議將來香港特區建立三權分立、互相制衡嘅政制等。
報道亦刊登晒57位聯署人嘅名稱，包括美心創辦人伍沾德個女伍淑清、前特首梁振英、唐英年爸爸唐翔千、前全國政協常委陳永棋等，真係證據確鑿、不容抵賴。可惜到咗今日，伍淑清已經話要放棄香港嘅年輕人，話過N屆特首都唔參選嘅梁振英已經做完一屆，唐翔千過咗身，陳永棋都無做政協常委啦。正如林鄭都話主流民意令佢無法做特首就會辭職一樣，建制派幾時有過口齒？
《大公報》曾於1986年報道，57位來自工商、專業界別的基本諮詢委員會委員，發表一份名為「未來香港特別行政區政府架構芻議」的文件，建議將來香港特區建立三權分立、互相制衡的政制。讀者提供照片
前全國政協常委陳永棋亦在聯署名單中。資料圖片
-----------------------------
《蘋果》英文版免費試睇：了解更多
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於 《蘋果日報》你的優惠 網上獨家發售！