王祖藍老婆李亞男日前喺微博留言自爆食錯嘢，更要入院吊鹽水，搞到老公祖藍好心痛，想快啲返港照顧亞男，祖藍噚日透過短訊回覆本報，指老婆本來係食咗啲唔乾淨嘅嘢，第2日去睇專科幫亞男照腸，發現腸壁外有個氣泡穿咗，有點感染，醫生要亞男留醫3日打抗生素，防止感染，否則可能變腹膜炎或穿腸(新聞連結： http://bit.ly/1KIhiYe )。

亞男今早喺微博留言報平安：「我好點啦！終於可以喝湯和粥水，謝謝大家的關心！loveuall.希望快點出院，我要大吃一餐！」似乎好番好多，未知係唔係怕老公祖藍擔心佢，好友陳美詩於微博轉截及回覆：「來我家，從前菜到甜點，親自弄給你吃！（再加榴蓮(槤)，哈哈！）吃到你肥肥胖胖！」