對於Iris及KK誕下三名同月同日生子女，有行醫近20年的婦產科醫生指，從未遇上此情況，稱：「極罕有，第一次聽！」他並不建議父母為了誕下同月同日生子女，而刻意催生，指孕婦有血壓高、糖尿或胎位不正等情況，而胎兒已足月，才可催生。

記者：劉卓瑩

一般父母若想子女在指定日子出生，都會選擇剖腹產。婦產科醫生靳嘉仁解釋，即使醫生可以算出孕婦預產期，其實只是大概日子，「其實大部分都唔係準時嗰日（出世），只係通常去到預產期嗰日，就差唔多有70-80%嘅人已經生咗。」他又指時至今日，醫學界仍未有方法準確計算出孕婦作動及嬰兒出生的時間

靳又認為，為了擇時辰或日子而催生，也難做到三名子女同月同日生，「催生幾耐有反應，容唔容易生出嚟，係有好多嘅原因。可以催生12個鐘、24個鐘都催唔到。」而且催生並非零風險，有約10%的孕婦曾因為催生不成功，而要臨時改為剖腹產，「冇必要地催生，催生之後又失敗走去開刀，就非常之不必要。」

你敢爆，我敢獎！ 立即WhatsApp《蘋果》24小時爆相爆片熱線 或致電：63836568