莊思敏今日一身紅衣女郎裝到銅鑼灣媒氣烹飪中心宣傳，宣揚以蒸餾水煮食有助健康，佢話平日為達到美容效果都會用蒸餾水洗面。

近日網上流傳港女擺飲宴，朋友做五百蚊人情就唔好嚟，莊思敏都話覺得好搞笑，又話好彩身邊冇呢類型朋友，但曾經遇過朋友亂派帖，佢大方表示雖然人唔會到，但會照做一千蚊以下人情，出手幾闊綽喎。