【告別動作片】為最後一齣動作片致大腿肌肉撕裂 惠英紅擬申請入健力士
蘋果日報 2017/09/05 17:27
惠英紅健力士又一山人MrsK肌肉撕裂動作電影
（攝影：張俊銘）
惠英紅最後一齣動作電影《Mrs K》將本月21日上映，佢邀請本地著名藝術家又一山人合作，為佢拍攝結合功夫與藝術嘅照片，「Moving On 57 x 57」相展今日喺荔枝角D2 place舉開幕儀式。
小紅姐為咗今次嘅拍攝，搞到大腿肌肉撕裂，事後更要接受針炙及物理治療等，但佢話過往很少有機會拍攝一輯咁樣嘅照，希望為自己記錄呢個時刻。曾拍攝超過100部動作電影嘅小紅姐表示，《Mrs K》係佢最後一齣動作片，坦言唔捨得：「自己都有唔捨得，但唔想往後水準下降，明年2月我58歲，見好就收，唔想搵替身做。」對於會唔會申請成為拍攝最多動作片嘅女藝人健力士紀錄，小紅姐話：「我拍咗咁多部戲，又拍咁呢個年紀，自己未曾諗過，可以叫公司睇吓。」
惠英紅邀請本地著名藝術家又一山人合作拍攝結合功夫與藝術嘅照片，並舉行相展。
小紅姐話即將上映嘅新片《Mrs K》會係佢最後一部動作片，佢話：「見好就收。」
小紅姐為咗影相，搞到大腿肌肉撕裂。