【愛上泰拳】投資六位數字開學校 Winkie：夜晚寧願瞓少啲

蘋果日報 2017/09/15 18:50

Winkie泰拳黎美言運動學校
    黎美言（Winkie）今日喺商台受訪，自從參與ViuTV嘅格鬥節目之後，佢鍾意咗泰拳，仲開班教泰拳。Winkie話多謝身邊好多貴人幫佢轉型，o依家有自己嘅泰拳班同跳舞班，仲自己籌備，搵地方開運動學校：「之前一路租人哋地方教，o依家物色緊地方，計劃喺跑馬地或者銅鑼灣開，不過做生意真係唔容易，連裝修、廁所條渠都關我事。」佢話之前一直做歌手，都有公司照顧，o依家做生意就事事親力親為：「我都係專注幕前工作嘅，啱啱拍完電影《入鐵籠》，都會出席唔同活動、唱歌，但係夜晚寧願瞓少啲都會搞生意嘅嘢。」
    Winkie話目標係建立好自己學校嘅形象先：「之前開班成本唔多，所以都會回晒本，今次會再投資六位數字，希望可以建立健康正面嘅形象，回饋社會，同埋希望幫大家做到運動。」問佢有冇問老闆諸葛梓岐嘅意見？Winkie話：「老闆一定會支持，自己作為職場新人，會做好自己本分先。平時都有同老闆傾下點樣搵錢，因為自己都鍾意咗做生意。」
    empty
    黎美言（Winkie）自從參與ViuTV嘅格鬥節目之後，佢鍾意咗泰拳，仲開班教泰拳。
    empty
    Winkie話多謝身邊好多貴人幫佢轉型，o依家有自己嘅泰拳班同跳舞班。
    empty
    仲自己籌備，搵地方開運動學校。