阿B工作計劃這麼多，似乎破產後的日子過得蠻不錯，他說：「幾好啦，都叫做過得幾充實，起碼試過好多嘢，係好嘅新開始，工作比以前有計劃得多，係我決定破產之前預料唔到嘅。咁又唔係講到破產係一件好事，唔使行呢步就最好啦。」

向寶詠琴鞠躬
破產後果真沒有不稱心的時候？阿B說：「咁又冇完美嘅，有啲嘴臉梗係無可避免，好似有啲人搵我做嘢好似施捨咁，正常係你覺得我啱嚟搵我，我覺得啱做就做，大家公平交易對等嘅，唔好一嚟就擺個大恩人款，喂！我唔做呢單做下單囉，本來我𠵱家唔會特別揀嘢做，但遇着呢種人，我情願算數。」
阿B續說：「除咗工作，有啲所謂朋友都一樣，知我冇『水』會自動消失，我覺得咁樣好㗎，唔使我去睇邊啲係好人，邊啲係壞人，你見𠵱家重喺我身邊嘅都係好人，因為對某啲人嚟講，我已經冇價值，所以𠵱家重同我一齊玩嘅，都係對我冇機心嘅真朋友。」

阿B表示雖然今年很少時間留在香港，但也感覺到香港的氣氛很差，他說：「好多人諗嘢諗得好灰，香港過到呢關嘅，大家齊心啲啦。我早排心情都好差，Roman（羅文）同Leslie（張國榮）走咗，近日寶小姐（寶詠琴）又走埋，寶小姐都算係我唔錯嘅朋友，我哋喺party識嘅，見到面會問候吓、約吓食飯，佢亦會畀吓教仔女嘅心得我，佢份人好nice。唉，我會去鞠個躬嘅。」

有錢有安全感
阿B續說：「而我最大嘅願望係可以想做先去做，唔想做可以唔使做啦，𠵱家實行唔到咪當做目標，鞭策自己去努力啲囉，邊個唔知好『叠水』可以帶畀你安全感吖？但冇都唔可以強求。我都好過好多人，起碼唔使去伊拉克吖，我捱多三年半就出身啦！」