最近劉嘉玲同台灣富商郭台銘多次俾傳媒影到一齊外遊，郭台銘又公然向嘉玲示愛，令到嘉玲偉仔多年戀情備受考驗。有關嘉玲同郭台銘嘅緋聞，一直引起外界關注，好似台灣嘅《時報周刊》，最近亦借佢哋嘅緋聞嚟炒作，嘉玲忍無可忍下，噚日終於作出還擊。

發聲明還擊

《時報周刊》近日就嘉玲同郭台銘嘅緋聞大做新聞，之前一直唔聲唔聲嘅嘉玲，終於忍唔住要透過經理人澤東電影公司發出聲明，內容話：「有關台灣《時報週刊》第1518期刊載，關於本公司藝人劉嘉玲小姐的相關報導，均為不負責任、未經查證之報導。本公司已委託律師，針對此一不實報導提出法律行動，並籲請各位傳媒先進自重，勿再不實刊載或轉述。對於近期任何有關劉嘉玲小姐的所有不實報導，本公司都將陸續採取相關法律行動，以正各界視聽。」
另外，噚日台灣有消息話，本港「鐵板神算」董慕節早年幫嘉玲批命時，已經話佢呢世會同三隻老虎（即生肖屬虎之人）糾纏不清，咁啱嘉玲前男友許晉亨、郭台銘同埋偉仔都屬虎，似乎同相士所講不謀而合喎！