當年今日
關於我們

【零的突破】與拍檔故劍重逢 寶利居然話冇乜信心?

蘋果日報 2018/09/12 15:30

開齋容天鵬李寶利幸運興隆慢熱零的突破麥偉利

同麥偉利一樣,意國型男李寶利今季仍未取得「零的突破」。對比起上季在開鑼日已經憑「蒙古王」贏馬,寶利今季明顯較慢熱。
周三(12日)李寶利共有5匹座騎,5匹機會都較為邊線,其中包括與出戰第七場三班1200米的「幸運興隆」故劍重逢,寶利上季曾策此馬勝出同班同程賽事。
「幸運興隆」上季尾一連三仗都排大外檔,未跑機會已大打折扣,今場終於轉運抽得4檔,但李寶利話隻馬雖然賽前試閘跟前跑獲第2名,但狀態只係初起,未算大勇。
不過,「幸運興隆」獨擅谷草1200米,而且上季尾排外檔嗰三場,隻馬直路都交出唔錯嘅追勢,執到個靚檔位,形勢完全唔同,可能李寶利今季仲未贏馬,所以唔敢抱太大信心。