前中國小姐柯嘉琪（Kiko）、朱紫嬈（Khloe）、楊正軍同顏子菲，今日喺上環出席壽司店開幕禮，Kiko原定同正軍下月到沖繩，為當地嘅旅遊機構拍旅遊特輯，可惜最終因上期彈票而告吹，佢話：「本身下個月出發，去當地潛水，深潛同海豚游水，因為我有高級潛水牌，本來收到上期嘅錢先去，但係彈票，都唔係好樂觀，陰功豬。開頭都好興奮，但依家就好失望，因為hold咗兩個禮拜，又推咗啲job。」Kiko話自己都遇過類似事情，佢話：「之前試過有模特兒公司拖咗三萬幾四萬蚊，要成年先分期畀我。」

此外，Khloe承認同圈外人拍拖，佢仲透露已經拍拖一段時間，但希望保持低調「依家感情生活OK，穩定，但就未有打算結婚，做好自己工作先。」